Våren 2008 (23.06.08)

Her er litt av det 6. klasse har gjort på i vår, og nokre forteljingar me har skrive.

TURAR

Me har vore på ein del turar, både korte og litt lengre. Her er om nokre av dei: Me har i norsk jobba ein del med å bli flinkare til å skriva forteljing bl a å bruka skildringar. Ein dag fekk me oppgåver i naturskildring to og to. Me gjekk til Kvitale for å gjera oppgåvene. På vegen vart me inviterte inn i felles fjosen og fekk sjå på når dyra fekk silofor. Det var interessant. Fin tur til Kvitale vart det også. Litt tid til leik vart det også; nemleg :Gøyma og leita. Den leika me då me var til Øsphaugflaten og i bøkeskogen også.  

Ein lengre tur vart det då me på fjelltur på Molnes. Første mål var Kyrkjesteinen. Dit kom me på ca ein time. På vegen opp såg me bl a restane av eit gammalt fehus dvs eit hus der dei av og til hadde kyr og kalvar inne i gamle dagar. Lenger oppe såg me muren til eit gammalt sel der det hende at folk overnatta når dei var langt oppe i skogen for å mjølka kyr.

På Kyrkjesteinen hadde me første stopp, men etterpå gjekk me opp på Snauafjellet. Der sat me og åt nista vår og såg på den flotte utsikten. Etter ei stund sprang me ned igjen til Kyrkjesteinen og leika.

KYRKJESTEINEN

SNAUFJELLET , utsikt ( Taraldsøy nærast)

TREFOTESTEINEN

KAFFIKVEDNO

 

28. mai var me på sykkeltur til Handelandsdalen. Det var ein fin og kjekk tur. Me grilla og kosa oss. Nokre bada i elva.

Den 4. juni hadde mellomtrinnet sykkeldag, teoridel og praktisk del. I klassen vår gjorde Elisabeth det best på teorien og Andreas det best på syklinga. Men samanlagt vann Kristina og Damian som skal reisa til Bergen til hausten og forsvara klassen si ære i fylkesmeisterskapen. Det viktigaste er likevel at alle har lært meir om trafikk og om korleis met ryggast kan ferdast som syklistar.

Veke 16 og 17 var mellomtrinnet med på ein landsdekkande hoppetaukonkurranse arrangert av nasjonalforeininga.. Alle hoppa mykje. I Skånevik hadde helselaget lova 500 kroner til den klassen som hoppa mest. Det vart me som vann. Me vart i ganske god form dei vekene, men endå betre var at me var saman heile tida og hoppa. Det er med og knyter oss saman.

Me vann forresten pokalen for fin framferd i 17. mai toget også. Me ingen har funne pokalen enno.Me har hatt både skidag og idrettsdag. Det var kjekt.

Me laga også til bursdagselskap for læraren vår. Ho vart veldig overraska, og me hadde det koseleg.

Dei siste skuledagane skal me bruka til rydding, øving på dramatisering til skulegudstenesta, bading og kos.

Frå fjellturen hausten-07 - 7. klasse:

Heile skulen på fjelltur! (19.09.08)
Forrige tysdag var heile skulen på fjelltur. Dei yngste var til Valdra og Erikstien. Dei eldste var til Varleite. Nokon gjekk vidare til Stødlahetta og nokon til Tjellevatna. På Varite leika dei "Bom på boksen" og nokon var til eit vatn og fiska. Me hadde fint ver og kjekke turar!

Sjå flotte bilete!

9. klasse på tur til Handelandsdalen (19.09.08)
Fredag 6. september var 9. klasse på sykkeltur til Handelandsdalen. Med på turen hadde me mange gode ingredienser til matlaginga, for dette var ein tur i faget Mat og helse. Me grilla koteletter og woka grønsaker. Og maten smaka nydeleg!

Kunstprosjektet "Staden min" (11.08.08)
I mai var elevane på mellomtrinnet med på kunstprosjektet "Staden min". Elevane var på Øspehaugflaten heile dagen i eit strålande ver, og her kan de sjå resultata:

Bluesprosjekt (23.06.08)
Dette skuleåret har ungdomsskulen jobba med blues i musikktimane. Det enda i mai i ei framføring for resten av skulen. Elevane som spelte og song fekk og framføre songar på Open dag, House of Blues og Torgdagane.

Sjå bilete frå prosjektet

Maling av kalvebinge (23.06.08)
I februar fekk 3. klasse i oppdrag å dekorera kalvebingen i den nye fellesfjosen på Tjelle. Det vart mange fine teikningar av dyr, traktorar, løer o.l.

Opheim (23.06.08)
1. og 2. klasse var på tur til Opheim i mai. Der "fiska" dei og kosa seg.

Open dag (23.06.08)
I april arrangerte skulen open dag. Då var det høve for besteforeldre, foreldre, søsken og andre interesserte til å få sjå noko av det me driv med på skulen. Elevane jobba med formingsarbeid, robo-lego, stasjonsarbeid, friluftsliv, musikk og data. Det var mange som var innom desse ettermiddagstimane, og kafesalget gjekk godt. Til slutt samlast alle til ei framføring i musikk som elevane i ungdomsskulen stod for.

Kokkekamp (23.06.08)
Like før påske hadde 6. klasse kokkekamp i Mat og helse. Oppgåva var å tilbereda middag og dessert til 4 personar. Her ser de bilete av dei flotte resultata.

Karneval (23.06.08)
1.-3. klasse hadde karneval i mars. Med sjølvlaga fargerike hattar, rytmeinstrument og song laga me karnevalstemning på skulen. Til slutt hadde me leikar i gymsalen.

Motormuseet (23.06.08)
2. klasse var på besøk i motormuseet i mars.

Diskotek (23.06.08)
I februar arrangerte 7. klasse diskotek for 6. og 7. klasse. Her var det både limbodans, kåring av beste dansarar og pizzaeting.

Tur til Opheim i mai-08 for 3. klasse:

Tur i mars-08 for 3. klasse:

7. klasse på leirskule

Les korleis me hadde det på leirskule januar-08!

Påsketur (14.03.08)
Torsdag 13.03. var 1. og 2. klasse på påsketur til Oppheim. Her var det tid til litt matematikkleik og på menyen stod gule påskeegg. Kanskje fra "Påskehønene" på Oppheim?

Matematikkens dag (15.02.08)
For 7. år på rad arrangerte skulen Matematikkens dag for alle elevane torsdag 7. februar. Dagen var delt i tre økter: geometri, spel og problemløsying. Dei minste jobba blant anna med tangram, spelte ulike spel og laga flotte bruer av ispinnar. Mellomtrinnet og ungdomstrinnet hadde ein gruppevis konkurranse, der dei samla poeng til gruppa si på alle tre øktene. Vinnarane får tradisjonen tru ein tur på Larsen.

Vinnarar:

Nedanfor kan du lesa om litt av det 6. klasse har gjort på hausten-07. Du kan også sjå bilete. (21.11.07)

Fridagar
Hodnet
Avis
Vitenskap
Leseprosjekt
Lesevaken
Skulekjøkenet
Sogespelet
Sopp
Tur til Oppheim
Fritida vår

Fridagar

Klasserådet har bestemt at me jobbar ein time meir på tirsdagar. Det gjer me for å få fleire fridager i år. I dei timane jobber nokre med Matte, andre med samfunnsfag, lesing, engelsk eller norsk. Me er glade for at me kom på dette. Me synest at det er kjempegøy. Det er me sjølve som bestemmer kva tid me har dei innsparte  fridagane.  

- Andreas

Hodnet

Den siste torsdagen i september gjekk me til Hodnet. Me møtte på skulen til vanleg skuletid. Dei som ville, kunne bli kjørt opp til Rabben. Alle på mellomtrinnet gjekk til Valdra. Der  delte me oss. Dei som ville, kunne gå heilt til Hodnet. Meste parten av oss kom seg opp. Dei som ikkje kom seg opp, kom i alle fall eit godt stykke på vegen. Alle hadde med seg ei god niste og ein liten sjokolade som me kunne kose oss med når me kom oss opp. Det tok ikkje så lang tid  å gå opp til Hodnet. Men det var nokre bratte bakkar me måtte slita oss opp. Men me gløymde kor tungt det var å komma seg oppover når me såg den fine utsikten og åt sjokoladen. Og til slutt kom alle seg trygt og godt ned.

 - Elisabeth

Som du ser av bileta, er det fin utsikt på vegen opp. På toppen smaka det med kakao og niste.

Avis                     

Me har halde på med avis i ei veke nå. Me fekk Sunnhordaland kvar dag, ja, ikkje kvar dag då for av og til kom ho ikkje :S...Me hadde og eit hefte der det var oppgaver, og da måtte me bruka avisa for å kunna gjera oppgåvene. Så nå kan me litt om avissjangrar, ingress, brødtekst og mykje anna.

- Kristina

Vitenskap 

Ein dag kom det nokre folk til skulen. ( To damer frå Vitensenteret). Dei var vitskapsfolk!!

Me var i gymsalen og venta,og så kom dei inn. Dei gjorde ganske masse tull og sånn, som f.eks: dei tok pulver i noko flytande og då kom det fullt i skum opp. Dei hadde også eit pulver som laga ein svær flamme viss du tok ei fyrstikke på det.

Dei hadde med seg eit svært telt. Alle gjekk inni det. Der var det nesten heilt mørkt, utan om eit lys som dei hadde med seg. Så når me då såg opp i det telttaket, såg me at lyset laga det slik at det blei ein stjernehimmel i taket på teltet. Det var litt trangt sidan det var så mange inni der. Ho eina dama viste oss nokre stjernebilde, og sa litt om dei. Dei fleste visste jo nesten alle om då, i alle fall i min klasse.=)  Alle blei svimle då ho snurra på ”himmelen”. Me låg på golvet og kikka i taket. Det var litt gøy og løye !

- Kristina

Leseprosjekt!

I norsktimane har me halde på med eit leseprosjekt. Det har me halde på med i 8 veker! Heile Noreg har konkurrert om å få ein tur til London.

Det var sånn at kvar dag las me nokre (eller mange) minuttar. Og så skreiv me dei opp i ein leselogg som me fekk utdelt den første veka. Kvar veke sette me oss mål i klassen om kor lenge me skulle lesa. Når veka var slutt, rekna me saman alle si lesetid for å sjå om me hadde nådd målet, og finna ut kven som hadde klart stjerne og medalje.

Og heilt til slutt skreiv læraren ned på eit spesielt kart kor masse poeng alle elevane i klassen hadde. Kvar veke svarte me på to oppgåver frå ulike land i Europa. Alle i klassen har lese kjempemasse. Somme klarte å få medalje og stjerne kvar veke. Namna deira blir sende inn.

 - Linda♥

Lesing i sofakroken

Dramatisering av Bukkene Bruse

Høgtlesing for resten av mellomtrinnet

Lesevaken

Me begynte å komma kl.19.00 torsdagskvelden. Då me kom, la me på plass bagasjen, altså madrass, dyna og sekken.

Etter det så gjekk me i ballbingen, og der spelte me fotball i mørket. Det var gøy. Så etter det gjekk me til kjøkkenet og spiste pizza og kaka. Det var godt. Me hadde laga maten sjølv på skulekjøken.

 Så gjekk me og les i boka vår. På mediarommet såg me video. Etter det hadde me kanonball litt etter midnatt. Det var også gøy.

Me leikte gøyma og leita i gangane ei stund. Så gjekk me til klasserommet og fortalte spøkelsehistorier. Det var kjempe gøy ! Og då les me i boka vår og nokre sov.

Klokka åtte om morgonen hadde me felles frukost på kjøkenet. Me gjekk heim når dei andre kom på skulen.

- Alexander

Klare for frukost

Skulekjøkenet   

I 6.kl og 9.kl har me skulekjøken eller ”Mat og helse”, som faget eigentleg heiter. I  vår klasse har me 3 grupper, dei første gruppene var :

Kristina Marte Damian 

Kristine Eg Andreas 

Linda Elisabeth Alexander Rebekka 

Me lagar alltid god mat, men av og til liker ikkje eg det så godt. Når me er ferdige, et me det me har laga, og tar med litt heim viss me kan. Det er på torsdagen me gjer dette. 

Sogespelet

Den første torsdagen etter  me hadde begynt på skulen i haust, reiste me til Etne på sogespelet.

Me reiste med buss saman med 7. klasse. I Etne var me i amfiet og såg på spelet om Kong Magnus frå Etne, ”Den unge kongen” . Heldigvis var det fint ver.

 Me jobba litt på skulen også med Kong Magnus og tida han levde i.

- Marte

Sopp

I naturfagtimen skulle me ut og plukka tjuker.. . Då me hadde plukka dei,  tok me dei med heim til skulen og la dei oppå papp. Når det hadde gått ei stund, begynte det å stinka inne i klasserommet.. Neste naturfagtime tok me ein sopp kvar ned til sløyden. Me skulle laga sprettballar så me smidde dei så runde så me fekk til … Ein sopp som heiter gjærsopp lagde me rundstykke av..! Rundstykka vart gode! Sopp er interessant å læra om! Og me har lært kjempe mykje.. unyttig (hehe nei da). Nå har eg ikkje så masse meir å skriva.

- Kristine

Tur til Oppheim

På ein  mandag gjekk me på tur til Oppheim dei to siste timane. Då me kom opp, var det fint. Me leikte Bom 25, og me plukka  bjørnebær.

Etterpå gjekk me ned til skulen igjen. Men då me gjekk ned, var det vått og vanskeleg å gå for steinane var glatte og våte. Og bekkane var store.

 - Damian

Fritida vår                                               

Eg spelar masse fotball. Eg er masse med venner i fritida mi. Er masse innpå pc, og det er gøy!!!  
- Andreas 

Fritida mi er fotball, venner, gitar og trommer. Før  likte eg ikkje fotball, men nå  likar eg fotball kjempe masse. Også fisking er veldig gøy. I haust har me sett  teiner etter krabbar og humrar. Eg likar også å gå på tur. 
- Damian

Hei nå ska du få vita kva eg likar å gjera på fridtida.. Eg likar å spela handball, fotball og piano, men yndlings hobbyen min er riding=) ElSkEr  hest.. og yndlingshesten min heiter Pelle. Eg liker jo self å gå og shoppa og sånt og då..
- Kristine 

Nå skal du få vita lit om kva eg liker å gjera i fritida Oki. Eg liker å spela fotball, handball, vera med i speidar,  Ikkje så masse piano, men det er gøy. Elles liker eg å vera med venner..!
- Marte    

I fritida mi pleier eg å sjå på tv –Eg er med på håndball og speidar. Av og til er eg med venner – og har det gøy, men av og til kjedar eg meg.
- Mari-Alice

Eg speler masse fotball og er med vennene mine. Eg er også innpå pc’en min det er gøy!!!
- Alexander 

Hei!
Dette er ting eg liker å gjere i fritida mi: Ri, Handball, Fotball, Piano. Elles likar eg å vere med venner og gå å shoppa og sånt.J
- Linda    

Eg søv i fritida mi. Eg speler data av og til når eg kjedar meg! Eg går på handball og speidar! Eg står av og til i mål på handballen! I det siste har eg lese mange bøker og høyrt på mange lydbøker.
- Rebekka

I fridtida mi er eg med venner. Eg  trener på handball på mandag. Er speidar annan kvar onsdag. Eg likar og vera ute når eg er med vennene mine.
- Elisabeth 

Hallo=)
I fritida mi pleier eg å spela handball, fotball og gitar. Eg går og på speidaren. Å så digger eg jo å shoppa og vera med vennene mine!!;P

- Kristina

---

Prosjekter i haust (01.02.08)
Me hadde ulike prosjekter her på skulen i haust som det ikkje er blitt skrive om før på heimesida vår. Her er ei oppsummering:

6. og 7. klasse var på Sogespelet i Etne:

1.-3. klasse hadde Forut-marknad i oktober:

Heavy-katten var på besøk til 1.-7. klasse:

Viten-på-hjul var på besøk og hadde opplegg for alle klassane:

---

Juleverkstad på småskulen (11.12.07)
1.-3. klasse var tysdag innom tre ulike juleverkstadar: bake julemenn, lage klokkestreng i filt og klippe/lime korger og englar. Det var full aktivitet heile dagen, og her kan de sjå nokon av elevane i aksjon:

---

Fjelltur (11.12.07)
Tidleg i haust var heile skulen på fjelltur. Dei yngste gjekk til Smørklamp, og nokon tok turen heilt opp på Heggelinuten. Ved Smørklamp brente me bål og spidda pølser. Dei eldste gjekk til Hodnet. Nokon gjekk opp Erikstien medan nokon kom over frå Håland.

---

Lucia (13.12.07)
Torsdag i førre veke baka 3. klasse Lucekattar saman med 6. klasse. I dag gjekk 3. klasse heile runden på skulen med lys, song Lucia-songen og delte ut lucekattar til stor begeistring for alle elevar og lærarar på skulen!
 

---

Juleverkstad for mellomtrinnet (13.12.07)
I dag var det mellomtrinnet sin tur å ha juleverkstad. Elevane baka julemenn, støypte lys og laga englar, juletre og anna julepynt.

---

På omsorgssenteret (14.12.07)
1.-3. klasse har den siste tida øvd flittig på ulike julesongar. I dag gjekk me inn til Omsorgssenteret og song både for dei eldre og saman med dei eldre. Der fekk me servert både is og saft!

---

Gang rundt juletre (18.12.07)
I siste time mandag gjekk 1.-3. klasse ned på kaien og gjekk rundt det store fine juletreet.

---

Graut (18.12.07)
Også i år laga FAU saman med elevar i 9. klasse til graut til heile skulen. Det var dekka flotte bord rundt omkring i dei ulike klassane.

Juleball (18.12.07)
I helga var det to ulike juleball på skulen. 10. klasse arrangerte fredag ball for heile ungdomsskulen. På lørdagen var det 6. klasse sin tur.

Juleverkstad (18.12.07)
Ein blir aldri for gamle til å ha juleverkstad.... Også ungdomstrinnet fekk ein dag der dei fekk bake julemenn og støype lys.

Juletrefest (21.12.07)
Siste torsdagen før jul var det juletrefest for elevane i 1.-7. klasse m/ foreldre. Alle klassane framførte flotte innslag: song, musikk og skodespel. Etterpå vart dei 13 nye 1. klassingane som skal begynna hos oss neste år presentert, og dei fekk ei lita gåve frå FAU. Juletrefesten vart avslutta med gang rundt juletre, og alle fekk mandariner av dei flotte julenissane i 7. klasse.

Premieutdeling (21.12.07)
Siste dag før jul hadde me premieutdeling, og dei ulike vinnarane var:

8. klasse var vinnarar av Idrettsskjoldet skuleåret 06/07

10. klasse vann volleyballturneringa

I den matematiske julekalenderen vart Elise og Lene vinnarar på ungdomstrinnet, og Martin og Anna på mellomtrinnet.

Sommaravslutning i Villmarksleiren

Bildearkiv skuleåret 07/08: