Heile skulen på fjelltur! (19.09.08)
Forrige tysdag var heile skulen på fjelltur. Dei yngste var til Valdra og Erikstien. Dei eldste var til Varleite. Nokon gjekk vidare til Stødlahetta og nokon til Tjellevatna. På Varleite leika dei Bom på boksen og nokon var til eit vatn og fiska. Me hadde fint ver og kjekke turar!  Sjå bilete

---

Takk til Grete! (19.09.08)
I byrjinga av september gjekk Grete av med AFP. Ho har jobba her ved skulen i omlag 30 år. Me vil takke ho for godt samarbeid og for alt ho har gjort for skulen vår. Me ønskjer ho mange gode år framover med reiser og andre fritidssysler som ho nå vil få betre tid til.
 

 

---

Marknad på Skånevik skule (26.11.08)

Småskuletrinnet på Skånevik skule hadde marknad 23. oktober. Me hadde kafè, lotteri, loppemarknad og sal av Forutvarer og eigenproduserte ting. Elevane las, song og dansa for dei frammøtte. Interessa frå slekt, venner og bygdefolk var overveldande, og me fekk inn heile 10220 kroner.

Me er blitt kjende med Omis frå Nepal gjennom temaarbeid, musikk og film. Pengane me samla inn, skal gå til hjelpearbeid for  barn i Nepal.

Takk til alle som støtta oss på ulik vis!

---

Paraply- prosjekt 18.12.08)

5.kl. og 6.kl. har hatt eit paraply-prosjekt der me laga paraplyar som me har dekorert sjølv. 

Me i 6.kl. og 5.kl. har hatt eit paraply prosjekt der me dekorerer paraplyane sjølve. Det var kjekt. Me begynte og velje temaet som skule vere på paraplyane. Etter me hadde gjort det skule me teikne det på eit større ark og teikna oppå paraplyane våre. Etter på brukte me sprittusj og maling.  

Når er alle paraplyane å sjå på utstilling på kafeen Blonder og Blues.  

- Anita Leknes, 5. kl

Reiselivsmesse (18.12.08)

I samfunnsfag har elevane jobba med landa i Europa. Som eit resultat av dette arrangerte dei reiselivsmesse, og inviterte både andre elevar og foreldre.

Joggedag (17.12.08)

Tysdag 28.10. arrangerte me Skulejoggen for første gong. Løypa var ca 1 km i kupert terreng, og elevane i 1.-10. klasse sprang 3, 4, 5 og heilt opp i 10 rundar. Motivasjonen var at dei fekk eit lodd for kvar runde dei sprang. I tillegg var det eit nydeleg haustver og saft- og fruktstasjon halvvegs i løypa som verka motiverande. Det var så mange blide og raude fjes å sjå uti løypa at dette var suksess, og noko me vil gjenta kvart år. Enkelte elevar foreslo at me kunne ha det kvar månad. Etterpå hadde me utdeling av diplomar for alle, og trekning av ei "Skulejogg-t-skjorte" på kvart steg. I tillegg samla me inn ein 20-kroning av dei som ønskte å støtta solidaritetsaksjonen.

Basar til Redd Barna (16.12.08)
 7. klasse hadde basar på langope førre fredag. Dei vil takke alle som hjelpte til med gevinstar og loddkjøp. Resultatet vart kr 6861,- til Redd Barna!

Juleverkstad (18.12.08)

Småskulen og mellomtrinnet førebudde seg til jul med å ha juleverkstad.

Juletrefest (19.12.08)

Torsdag kveld hadde 1.-7. klasse juletrefest der foreldre var invitert. Først ute i programmet var 1. klasse som tente lys medan dei song "Nå tenner vi det første lys" og "Lang tid tilbake hendte det". 2. klasse hadde øvd inn Alf Prøysen sin song "Kva skal vi gjøre første dag jul", og elevane hadde soloinnslag. 3. klasse hadde øvd inn eit skodespel om Simon som dei framførte. Alle elevane i 1.-3. klasse song den gamle julesongen "Det kimer nå til julefest". Deretter var det 4. klasse sin tur, og dei framførte eit stort spel om Papapanov.

Mellomtrinnet har øvd på linedance i heile haust, og framførte flott dans i cowboykostyme. Etterpå song dei "Vi tenner våre lykter", medan dei gjorde nettopp det: tente lykter! Til hausten skal det byrja 5 nye 1. klassingar og dei fekk koma opp på scenen og bli presentert. FAU delte ut ei lita gåve til kvar av dei. Juletrefesten vart avslutta med gang rundt juletre, og sjølvsagt kom nissen med mandariner!

Volleyballturnering (19.12.08)

Onsdag før jul hadde 8.-10. klasse volleyballturnering. Det vart ingen store overraskingar: 10. klasse vann av elevane, og lærarane vann over 10. klasse! Men nytt av året var 9. og 10. klasse si oppvising i Linedance i pausen. Dette var eit flott innslag!

Grautfest (19.12.08)

I år hadde me planer om å ta grautfesten for heile skulen på "Juleøya Peparen" sidan me har vore med og pynta den så fint til jul. Men sidan veret slo seg vrangt blei grauten servert på skulen tysdag i siste veka før jul. Hotellet laga grauten og nokre hjelpsame damer var med og delt ut. For dei som var så heldige å få mandel vanka det julesjokolade.

Her er nokre dikt som 8. klasse har jobba med i Photostory hausten 08:
Ord over grind  Alle mann er døde  Den svarte katten

Dette har 7. klasse gjort på hausten-08

Dette har me gjort på i haust!

Teknologi og design i naturfag i 8. klasse: (23.01.09)

Utedag (30.01.09)

Torsdag 29.01. hadde me utedag på skulen sitt område. Me sagde ved, rydda "skog", brende bål. laga kakao og kosa oss.

Kunstnarbesøk (01.04.09)
Fredag 20. mars hadde 9. klasse besøk av kunstnar . Ho viste oss korleis me kunne male stilleben.

Skidag (01.04.09)

Torsdag 19. mars var heile Skånevik skule på skidag på Seljestad og i Røldal. Nok ein gong hadde me eit nydeleg ver og mange blide fjes!

Skidag (09.04.09)

Dette har elevane i 4. klasse skrive om skituren til Seljestad:

- I går var me på ski tur til seljesta.

- I  går  var  vi  på  Seljestad. Eg  satt  på med  Tore.

- Me var på skitur til Seljestad. Eg satt i buss i ein time og det var den andre gongen eg sto på ski. Me gjekk opp til Stølane og eg og David sto på ski rundt eit hus. Og eg åt skjeva og eg åt ein sjokolade. Så hadde eg Magnus Marius og David snø ball krig.

- I  går var me på skitur til seljestad. Eg og Robert og David lagde snøhole. Det var gøy

- I går var me på Seljestad og gjekk på ski. Det var andre gong eg hadde ski på meg. Eg gjekk samam med Robert. Me gjekk først til Stølane. Der åt eg nista mi. Etterpå gjekk me til Kistefjell.

- I går var med på skitur til seljestad. Me tok buss til seljestad.

- Ein torsdag kjørte me på skitur til Seljestad. Me tok buss til Seljested i ein heilt ny buss. Då me var framme starta me gå på ski. Me Gjekk 2-3  km opp til Stølane fra Seljestad. Då eg var framme i Stølane var så sliten etter å gå 2-3 km på ski at eg åt maten min det var godt med mat. Eg og David og Remi prøvde å lage snømann.

- På søndag var me på skitur til Seljestad . Eg Hadde snøballkrig. Eg og Matias og David og Marius  og Sindre og det var gøy. Eg gjkk og på ski. Og når me sko ned gjkk det fort og når eg var nede hadde me snøballkrig.

- I går var me på skitur til Seljestad. Me gjekk til Stølane, og der åt eg litt. Me gjekk til Kistefjell, og etterpå åt eg kvikk-lunsj å drakk kakao.

- Skitur til Seljestad

I går var me på skitur til Seljestad. Eg og alle dei andre jentene i klassen satt på med Tore faren til Emilia. Alle gjekk opp til Stølane. Me sto på ski det var gøy. Me rente ned  bakkar det var gøy.  Eg var med Emilia, Josephine og Helena.. Når me skulle Heim stoppa Tore på Åkrafjordtunet. Der spiste me middag og is og deser. Arne farfaren til Emilia var Også med.1.kl og 2. kl var nede med dei små bakkane. Noken gjekk opp til Kistefjell. Skituren var kjempe gøy. Eg har hatt det kjempe gøy!!

- I går var me på skitur til Stølane. Me gjekk opp på ski til Stølane. Når eg kom opp til Stølane. Då sette eg meg ned til å ete så gjekk eg til Kistefjell. Det var langt å gå. Me lekte bomba. Etterpå gjekk me raskt ned. Så hadde me snøballkrig før me for heim.

 - I går var me på skitur til Seljestad. Eg sat på med Tore. Me hadde det gøy.  Eg gravde ei hole. Eg var i lag med Rebekka. 1.kl og 2.kl var ikkje der me skulle. Eg spiste sjokolade. Og drakk brus. Og kakao.  Det var gøy. Rebekka og eg hadde ikkje stått så masse på ski. Men det var gøy der.  

Skilpadder og kyllingar laga av 3 klasse (april-09)

Me vevde skal på skilpaddene med tallerk og så sydde me  beina, hale og hovud på.

Me var på sløyden og lagde kyllingar. Me sagde og pussa masse. Me malte dei gule og limte på auga. Me tok masse bilete av kyllingane og skilpaddene. Me lagde dei i kunst- og handverk.

Offisiell opning av bålplassen vår (09.04.09)

Torsdag 26. Mars hadde 1. Klasse ved Skånevik skule høgtidleg opning av den nye bålplassen. Vaktmesteren vår har laga den til, og var sjølvsagt invitert til opninga. Etter snorklyppinga steikte me lappar på bål, og dei smakte nydeleg. Me håpar på mange koselege stunder rundt bålet for alle klassane på skulen.

7. klasse si engelske avis (vår-08)

Engelsk avis om Skånevik

Skuleavis 5. og 6. klasse

På linkane under kan de sjå meir frå dette halvåret på skulen. Elevane har laga skuleavis i norsk, og tekstane er henta i frå denne. 

-         Studie av vikingfunn

-         Skule på garden

I veke 22 og 23 jobba 5. og 6. klasse med: Kvitebjørnprosjektet (06.06.09)

Frå prosjektet sine nettsider: "Undrande og skapande" er visjonen Løland-markeringa har teke i bruk for å karakterisera forfattaren og mennesket Rasmus Løland. Ei viktig utfordring for prosjektet vert å ta utgangspunkt i bornas fantasi og undring og lata kreativitet og skaparkraft få utfalda seg med lokal kultur og identitet som grunnlag.
 

Bildearkiv